Ауған соғысынан қаза тапқан жауынгерлерге тағзым етті—Өскемен

Шығыс Қазақстан облысында Кеңес әскерінің Ауғанстаннан шығарылған күніне арналған іс-шара өтті.

Полиция департаментінің мәліметінше, шараға қатысушылар жауынгер-интернационалистерге арналған ескерткішке гүл шоқтарын қойып, қаза тапқандарды бір минут үнсіздікпен еске алды.

Ардагерлер кеңесінің төрағасы Қыдырғазы Баймұратов ардагерлерге көрсетілген құрмет үшін алғыс білдірді.

Оның айтуынша, сол кезеңдегі оқиғалардың ұмытылмағаны маңызды. Полиция департаменті тарапынан көрсетілген қолдау — бұл жай ғана назар емес, жауынгерлік бауырластыққа және өз борышын адал орындаған азаматтарға деген құрмет.