ШҚО-да бұршақ жаууы мүмкін

«Қазгидромет» синоптиктері 28-30 мамырға арналған ауа райы болжамын жариялады.

Мамыр айының соңында өңірде ауа райы құбылмалы болады. Алдағы күндері жаңбыр жауып, найзағай ойнауы мүмкін. Кей жерлерде бұршақ түсіп, жел күшейеді.

Синоптиктердің мәліметінше, 28-29 мамыр күндері облыста қатты жаңбыр жаууы ықтимал. Сонымен қатар екпінді жел соғады.

Күндіз ауа температурасы 20-30 градус аралығында болады.