Енді бақшаны тек түнде суаруға болады

Өскемен тұрғындарына бақша мен жасыл желектерді тек түнгі уақытта суару ұсынылды. Енді суару жұмыстары сағат 23:00-ден таңғы 05:00-ге дейін жүргізілуі керек.

«Өскемен Водоканал» мекемесінің мәліметінше, бұл талап жаз мезгілінде ауыз суды үнемдеп пайдалану және қаланы тұрақты сумен қамтамасыз ету үшін енгізілді.

Белгіленген уақыттан тыс бақша суарған тұрғындарға шектеу шаралары қолданылуы мүмкін.