ШҚО-ның қай қалаларында ауа таза?

Облыста ауа сапасына жүргізілген мониторинг қорытындысы бойынша ең таза ауа Шемонаиха қаласы мен Глубокое кентінде тіркелді. Ал Өскемен мен Риддерде ауаның ластану деңгейі әлі де жоғары.

«Қазгидрометтің» мәліметінше, өткен жылдың осы кезеңімен салыстырғанда Өскемен мен Глубокое кентіндегі жағдай өзгеріссіз қалған. Риддерде ауаның ластану деңгейі жоғарылаған. Алтай қаласында да көрсеткіш нашарлады. Ал Шемонаихада, керісінше, ластану деңгейі төмендеп, жағдай жақсарған.