Өскеменде «TourEast ALTAI KZ» фестивалі өтеді

26 қыркүйекте Сол жағалау саябағында Туризм күніне орай «TourEast ALTAI KZ» фестивалі өтеді.

Фестиваль аясында танымдық, мәдени және спорттық шаралар ұйымдастырылады.

09:00–11:30 — Іскерлік алаң

«Туризмді дамытудың заманауи тәсілдері» тақырыбында конференция өтеді. Мамандар туризм саласының өзекті мәселелері мен даму перспективаларын талқылайды.

10:00–15:00 — Туристік көрме

Өңірдің туроператорлары, демалыс базалары мен қонақүйлері өз ұсыныстарын таныстырады. Сонымен қатар отбасылық фотозона жұмыс істейді.

10:00–17:00 — Шеберлер қаласы

Қолөнершілер жәрмеңкесі өтеді. Қонақтар ши өру, кесте тігу, ағаштан музыкалық аспап және былғарыдан бұйым жасау бойынша шеберлік сабақтарына қатыса алады.

10:30–15:00 — Белсенді демалыс

Туристік жабдықтар жәрмеңкесі, кемпинг-лагерь, жергілікті жерде бағдарлау және жорыққа дайындық бойынша сабақтар ұйымдастырылады.

11:00–15:00 — «Жас турист»

Балалар мен отбасыларға арналған квест өтеді.

11:00–15:00 — Гастрономиялық аймақ

Жергілікті тауар өндірушілердің жәрмеңкесі өтіп, келушілерге түрлі тағамдар мен сусындар ұсынылады.

11:30–15:00 — Басты сахна

Туризм саласының үздік өкілдерін марапаттау рәсімі өтеді.

12:00–15:00 — Үйлесім оазисі

Йога сабақтары, этномузыкамен би терапиясы, сондай-ақ Катонқарағайдың балынан жасалған тағамдар мен шөп шайларының дегустациясы ұйымдастырылады.