Әр аудан туризмді дамыту бойынша ұсыныс айтуы тиіс — ШҚО

Шығыс Қазақстан облысында туристік саланы дамытуға бағытталған жоспар әзірленді.

Жоспар аясында өңірде туризмді жүйелі түрде дамыту көзделген 23 басым туристік аумақ айқындалды. Бұл аумақтар инженерлік инфрақұрылыммен қамтамасыз етіліп, интернет пен ұялы байланысқа тұрақты қолжетімділік орнатылады. Сонымен қатар осы бағыттардағы жолдар салынып, жөндеуден өтеді.

Осыған байланысты 10 қаңтарға дейін аудан әкімдіктері облыстық туризм және спорт басқармасына туристік аумақтарды дамыту бойынша өз ұсыныстарын айтуы қажет.