Үш стоматология балалардың тісін тегін емдеуді тоқтатты
Өскеменде үш стоматологиялық клиника балаларға міндетті әлеуметтік медициналық сақтандыру (МӘМС) жүйесі бойынша тегін қызмет көрсетуді тоқтатты.
Бұл ақпаратты Әлеуметтік медициналық сақтандыру қорының облыстық филиалы растады.
МӘМС жүйесінен шыққан клиникалар:
* «Стоматолог» ЖШС — Серікбаев көшесі, 1, 3-ғимарат;
* «Стоматология» ЖШС — Новаторов көшесі, 2;
* «Baby Tooth» ЖШС — Әуезов даңғылы, 4.
Қордың мәліметінше, стоматологиялық клиникалардың МӘМС жүйесіне қатысуы ерікті. Сондықтан медициналық ұйымдар қызметтерді сатып алуға қатысу немесе келісімшарт жасау туралы шешімді өздері қабылдайды.
Қазір балаларға МӘМС бойынша тегін стоматологиялық көмек Буров көшесі, 55 мекенжайындағы Балалар стоматологиялық клиникасында көрсетіледі.
Сонымен қатар балалар төмендегі медициналық ұйымдардан тегін стоматологиялық көмек ала алады:
* Ана мен бала орталығы — Оралхан Бөкей көшесі, 37;
* «Status Medical Center» — Көкжал Барақ көшесі, 19;
* «Вита-1» — Шәкәрім даңғылы, 156;
* «Денсаулық» дәрігерлік амбулаториясы — Буров көшесі, 53;
* Защита теміржол ауруханасы — М.Тынышпаев көшесі, 133;
* «ЕМ АЛУ плюс» ЖШС — Шаяхметов көшесі, 1/3.
Яғни аталған үш клиникада МӘМС бойынша қызмет көрсету тоқтағанымен, қалада балаларға тегін стоматологиялық көмек көрсететін басқа медициналық ұйымдар бар.
