Иттеріңізді ертіп, PET DOG FEST-ке келіңіз!

Өскеменде иттер мен олардың иелеріне арналған көңілді фестиваль өтеді. 5 қыркүйек күні сағат 11:00-де этнопарк аумағында «PET DOG FEST 2026» басталады.

Фестивальге үй жануарын ертіп келетіндер де, иттерді жақсы көретін қала тұрғындары да қатыса алады.

Шара барысында иттерге арналған көңілді жарыстар, түрлі ойындар мен шоу-бағдарламалар ұйымдастырылады. Балалар үшін аниматорлар, аквагрим және сабын көпіршіктері шоуы болады.

Сондай-ақ үй жануарларымен бірге отбасылық квесттер өткізіліп, «Ең сәнді үй жануары» байқауы ұйымдастырылады. Байқауға қатысқандардың әрқайсысына сыйлық беріледі.

Фестивальде жем-дәмін көруге, зоотауарлар мен отбасыға арналған өнімдер жәрмеңкесіне баруға болады. Фуд-зона да жұмыс істейді.

Бұдан бөлек, қайырымдылық мақсатында палау сатылады. Одан түскен қаражат Өскемендегі жануарларға арналған баспаналарға беріледі.

Фестивальге кіру тегін.