Өскеменде Республика күні қалай тойланады?
Өскеменде Республика күніне орай кітап көрмелері, викториналар, кездесулер мен мерекелік бағдарламалар ұйымдастырылады. Негізгі іс-шаралар 20-25 қазан аралығында өтеді.
А.С. Пушкин атындағы облыстық кітапханада:
- 20-26 қазан аралығында «Қазақстан — туған елім, ұлы өлкем» атты кітап көрмесі өтеді;
- 22 қазан сағат 11:00-де мектеп оқушылары арасында «Жырың болып төгілемін» атты айтыс ұйымдастырылады;
- 24 қазан сағат 14:00-де балалар мен жасөспірімдерге арналған «Менің Отаным – менің бақытым» викторинасы өтеді.
Оралхан Бөкей атындағы қалалық кітапханада:
- 19-25 қазан аралығында «Қазақстанның мемлекеттілігі: ғасырлар бойы» атты көрмені тамашалауға болады. Онда кітаптар мен тарихи материалдар ұсынылады;
- 20 қазанда «Түпнұсқалар. Ұлы дала» атты шарада Қазақстан тарихы таныстырылады;
- 21 қазанда көшпенділердің маңызды шайқастары туралы «27 шайқас – 27 әңгіме» викторинасы өтеді;
- 22 қазанда жасанды интеллект көмегімен Қазақстанның XIX және XXI ғасырлардағы бейнесі салыстырылады;
- 23 қазанда жастар мен сарапшылар елдің болашағын талқылап, 2050 жылғы Қазақстанның көрінісін жасауға қатысады.
25 қазанда сағат 11:00-ден 15:00-ге дейін этнографиялық мұражай-қорығында екі мерекелік бағдарлама өтеді.
Қайсенов көшесі, 67 мекенжайында «Қазақстан — Менің Отаным» атты командалық этнографиялық квест ұйымдастырылады. Ал Горький көшесі, 59 мекенжайында «Бірлігі жарасқан Қазақстан» бағдарламасы өтеді.
Сонымен қатар, облыста «Береке» фестивалі өтіп жатыр. Оған 11 ірі сауда нүктесі мен 15 супермаркет қатысады. Фестиваль аясында азық-түлік пен басқа да тауарларға 70%-ға дейін жеңілдік қарастырылған.
