40 жыл жөнделмеген жол жаңартылады—ШҚО

Самар ауданында Мариногорка – Жұмба бағытындағы жолға жөндеу жұмыстары жүргізіледі. Ұзындығы 38 шақырымды құрайтын учаске шамамен 40 жыл бойы жөнделмеген.

Жергілікті тұрғындар жолдың жағдайына қатысты мәселені бірнеше жылдан бері көтеріп келген.

Самар ауданы әкімдігінің мәліметінше, қазіргі уақытта жобаны іске асыру жұмыстары басталды. Аудан әкімі Серік Жеңісов ауылдық округ әкімдігі және қоғамдық кеңес өкілдерінің қатысуымен көшпелі кеңес өткізді. Жиын барысында жөндеу жұмыстарының негізгі кезеңдері талқыланды.