ШҚО-да қала халқының саны артты

Шығыс Қазақстан облысында қала тұрғындарының саны сәл де болса артты, деп хабарлайды Shygyslife.kz тілшісі.

Ұлттық статистика бюросының дерегіне сәйкес, 2025 жылғы 1 қаңтарда облыс қалаларында 485 729 адам тұрса, 1 желтоқсанда бұл көрсеткіш 486 579 адамға жеткен. Яғни өсім 0,17 пайызды құрады.

Алайда ауылдық жерлерде керісінше жағдай байқалады. Жыл көлемінде облыстың ауылдарынан 5 125 адам көшіп кеткен.

Соның салдарынан облыс бойынша жалпы халық санының өсімі теріс көрсеткішке шықты.

Айта кетейік, елімізде халық ең көп қоныс аударып жатқан өңір – Астана қаласы. Соңғы 11 айда елордаға 100 мыңнан астам адам көшіп келген.