Міндетті түрде оқу керек ТОП–5 кітап

Қазақ әдебиеті – халқымыздың рухани тарихын, дүниетанымын, болмысын айшықтайтын ұлы мұра. Әдебиеттанушылар мен оқырман қауым ұсынған деректерге сүйене отырып, әрбір қазақстандық кем дегенде бір рет оқуы тиіс ең үздік 5 роман анықталды. Бұл шығармалар ұлттық әдебиетіміздің алтын қорын құрайды.

1. «Абай жолы» – Мұхтар Әуезов
Қазақ әдебиетінің шыңы саналатын төрт томдық эпопея – ұлт ұстазы Абайдың өмірі арқылы халық тарихын, салт-дәстүрі мен рухани әлемін танытатын әлемдік деңгейдегі туынды. «Абай жолы» бірнеше тілге аударылып, ХХ ғасырдың ең үздік шығармалары қатарында.

2. «Дарабоз» – Қабдеш Жұмаділов
Көрнекті жазушы Қабдеш Жұмаділовтің бұл романы – Абылай хан дәуіріндегі Қаракерей Қабанбай батырдың ерлігін суреттейтін тарихи эпопея. Ел бірлігі, батырлық пен отаншылдық идеясы көркем тілмен шебер өрілген.

3. «Атау-кере» – Оралхан Бөкей
Оралхан Бөкей шығармашылығы – қазақтың кең даласы мен адам жанын терең бейнелейтін ерекше мектеп. «Атау-кере» романы – тағдыр тауқыметі, махаббат, адамдық болмыс туралы ой қозғайтын әсерлі шығарма.

4. «Ақбілек» – Жүсіпбек Аймауытов
Қазақ прозасындағы алғашқы психологиялық романдардың бірі. Азамат соғысы кезеңіндегі қазақ қоғамының күйін, әйел тағдырын терең суреттейтін шығарма қазір де өзектілігін жоғалтқан жоқ.

5. «Аласапыран» – Мұхтар Мағауин
Тарихи эпопея ХVI–XVII ғасырлардағы саяси тартыстар мен қазақ хандығындағы қиын кезеңді көркем түрде бейнелейді. Мағауиннің бұл еңбегі – ұлттық тарихымыздың әдеби көріністерін терең зерттеген құнды шығарма.

Қазақ әдебиетінің бұл бес туындысы – оқырманның рухани әлемін байытып, ұлт тарихын, дәстүрі мен мәдениетін терең түсінуге мүмкіндік береді.