ШҚО-да онкологиядан көз жұмғандар саны азайды

Өңірде қатерлі ісіктен көз жұму көрсеткіші 7,9%-ға төмендеді. Мамандардың айтуынша, бұл ерте анықтау жұмыстарының жақсарғанын көрсетеді. Қазір дертті бастапқы кезеңде анықтау деңгейі 34,4%-ға дейін өскен.

Дәрігерлер аурудың алдын алу, скринингтен өткізу және халықты тексеру жұмыстарын күшейтіп жатыр. Жыл басынан бері өңірде 3 рет «Ашық есік күні» ұйымдастырылып, 2850 адам тексеруден өткен. Нәтижесінде 17 адамнан қатерлі ісікке күдік табылып, 101 адамда обырға дейінгі өзгерістер анықталған.