Есірткі қолданған жүргізуші 15 тәулікке қамалды-ШҚО

Өңірде  есірткі қолданып көлік жүргізген 39 жастағы ер адам 15 тәулікке қамалып, жеті жылға жүргізуші куәлігінен айырылды.

Патрульдік полиция қызметкерлері KIA Optima маркалы көлікті тоқтатып, жүргізушіні тексерген. Медициналық сараптама оның каннабиноидтар қолданып, есірткілік мас күйде болғанын растады.

Сот ер адамды кінәлі деп танып, 15 тәулікке әкімшілік қамауға алу және жеті жылға көлік жүргізу құқығынан айыру туралы шешім шығарды.