ШҚО спортшысы Азия ойындарында бак сынайды

Шығыс Қазақстандық спортшысы Азамат Дәулетбеков 2026 жылғы Азия ойындарында Қазақстан намысын қорғайды.

Биылғы Азия ойындары Жапонияның Аичи-Нагоя аймағында өтеді. Қазақстан құрамасы еркін күрес, грек-рим күресі және әйелдер күресінен сынға түседі.

Еркін күрестен ел намысын алты спортшы қорғайды. Олардың қатарында 86 келі салмақта күресетін шығысқазақстандық Азамат Дәулетбеков бар.

Қазақстан құрамасының еркін күрестегі толық құрамы:

• 57 келі – Нұрданат Айтанов;
• 65 келі – Начын Куулар;
• 74 келі – Нұрқожа Қайпанов;
• 86 келі – Азамат Дәулетбеков;
• 97 келі – Ризабек Айтмұхан;
• 125 келі – Едіге Қасымбек.

Айта кетейік, 2026 жылғы Азия ойындарында Қазақстаннан барлығы 18 палуан өнер көрсетеді.