«Otbasy Fest» фестивалі басқа күнге ауыстырылды

Ауа райының өзгеруіне байланысты «Otbasy Fest» фестивалі басқа күнге шегерілді. Енді шара 3 наурыз күні өтеді.

Ұйымдастырушылардың айтуынша, қосымша уақыт фестивальге тыңғылықты дайындалуға мүмкіндік береді. Осы аралықта тұрғындардың пікірлері мен ұсыныстары ескеріліп, қажетті ұйымдастыру жұмыстары жүргізілді.

Атап айтқанда, автотұрақ мәселесі, дәретханалар саны мен жағдайы, сондай-ақ қонақтардың жайлылығы үшін маңызды басқа да мәселелер қарастырылды.