Ұлан ауданында ұлттық киім киген әжелер бір уақытта дауыс беруге келді

Ұлттық құндылықтарды дәріптер жүрген әжелер референдум учаскесіне әндете келді. Осылайша өскелең ұрпаққа үлгі көрсетіп, өз таңдауларын жасады.

Айта кетейік, бүгін – тарихи күн. Ел азаматтары жаңа Ата заң жобасына қатысты референдумда өз таңдауын жасайды.

Облыста барлығы 533 референдум учаскесі құрылған. Оның 501-і тіркеу орны бойынша, ал 32-сі уақытша болатын орындарда орналасқан. Учаскелердің 129-ы немесе 24,2 пайызы Өскемен қаласында.